Кеше Қазақстан Республикасы Президенттігіне кандидаттарды ұсыну қорытындылары туралы Орталық сайлау комиссиясының отырысы өтті. Президенттікке кандидаттарды ұсыну 11 қазанда сағат 18.00-де аяқталып, ОСК-ға республикалық қоғамдық бірлестіктер ұсынған 12 кандидаттың құжаттары тапсырылды. 1. Қажыкен Мейрам Зекешұлы, «Аманат» республикалық кәсіподақтар достастығы ұсынды. 2. Дайрабаев Жигули Молдақалықұлы, «Ауыл» халықтық-демократиялық патриоттық партиясы» қоғамдық бірлестігі ұсынды. 3. Әуесбаев Нұрлан Сатыбалдыұлы, «Жалпыұлттық социал-демократиялық партиясы» қоғамдық бірлестігі ұсынды. 4. Тоқаев Қасым-Жомарт Кемелұлы, «Amanat» партиясы, «Қазақстан Халық партиясы», «Ақ жол» ҚДП, сондай-ақ бірқатар республикалық қоғамдық бірлестіктер ұсынды. 5. Әлтаев Нұржан Бауыржанұлы, «Мұқалмас» республикалық қоғамдық бірлестігі ұсынды. 6. Әбден Қарақат Жақсылыққызы, «Кәсіби әлеуметтік қызметкерлердің ұлттық альянсы» республикалық қоғамдық бірлестігі ұсынды. 7. Ерғалиев Талғат Файзуллиұлы, «Қазақстан құрылысшылар одағы» заңды тұлғалардың республикалық бірлестігі ұсынды. 8. Әлиев Жұматай, «Халық демографиясы» республикалық қоғамдық бірлестігі ұсынды. 9. Ғабжалилов Хайролла Мағауияұлы, «Оралмандардың «Асар» бірлестігі» республикалық қоғамдық бірлестігі ұсынды. 10. Тұрсынбекова Салтанат Пархатқызы, «Қазақ аналары – дәстүрге жол» республикалық қоғамдық бірлестігі ұсынды. 11. Жаңабаев Бақыт Маратұлы, «Футбол жанкүйерлерінің қазақстандық лигасы» республикалық қоғамдық бірлестігі ұсынды.

1. 12. Бизақова Фатима, «Тәжірибелік психология» республикалық қоғамдық бірлестігі ұсынды.