Қордай ауылындағы күрделі жөндеуден өтіп, жақында пайдалануға берілген орталық саябақтың көркі көз тартады.
Жергілікті бюджеттен қаражат қарастырылып, аз ғана уақыт ішінде саябақ ішіндегі асфальт, тротуар тақталары жаңартылып, жаңа орындықтар орнатылды. Сыртқы қоршауы толығымен ауыстырылып, бейнебақылау қондырғылары мен полиция пункті салынған. Сонымен қатар саябақта алдағы уақытта мәдени шаралар өткізуге арналған сахна да қойылған. Заманауи үлгіде жасалған сахнаға LED экран ерекше көрік беріп тұр.
Аудан орталығын абаттандыру жұмыстары мұнымен шектелмек емес. Алдағы уақытта ауылдың өзге де қоғамдық орындарын абаттандыру, көгалдандыру жұмыстары қолға алынбақ.
Comments are closed.