- Advertisement -

Ақтөбе облысында ірі қара қырыла бастады

56

- Advertisement -

Ақтөбе облысы Көкүй ауылында ірі қара белгісіз індеттен қырыла бастады.
Қазір бұл ауылдан ет, сүт өнімдерін шығару мен пайдалануға тыйым салынған, деп хабарлайды Aq jol aqparat Sputnik kz. ақпараттық порталына сілтеме жасап.
Мамандар вирустың өте қауіпті екенін мойындап отыр.
Сараптама ірі қараның вирусты диареядан өлгенін растады. Бірақ малдың іші неліктен өткенін ветеринарлар әзірге білмейді. Айтуынша, мұндай жағдай өңірде алғаш рет тіркеліп отыр. Дегенмен вирустың өте қауіпті екенін мойындайды.
Сондықтан шектеу шаралары қолға алынған.
«Тексеру нәтижесінде вирусты диарея деген диагноз қойылды. Инфекциялық ауру, қызуы көтеріледі, асқазаны ауырады, диарея басталады. Инфекциялық аурудың таралу қаупі әрдайым бар. Бірақ бүгінде тыныш, ертең шектеу шараларын қолданғанннан кейін бұл ауру тоқтайды деп ойлаймыз», — деді Ақтөбе облысы ауыл шаруашылығы басқармасы басшысының орынбасары Иса Базаров.
Ауылдан мал атаулы шығарылмайды, сырттан кіргізілмейді. Сонымен қатар ет, сүт өнімдерін пайдалануға болмайды. Бұл шектеулер әзірге бір айға созылады. Осы уақыт ішінде ауылдағы барлық ірі қараға вакцина салынып, қора-қопсыны дезинфекциялау жұмыстары жүргізіледі.

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support