Қазақстан шекарасы маңында бубон обасының қоздырғышы табылғаны рас — ДСМ
Қазақстан шекарасы маңында бубон обасының қоздырғышы табылды. Бұл ақпаратты ҚР Денсаулық сақтау министрлігінің ресми өкілі Бағдат Қожахметов растады.
Орталық коммуникациялар қызметіндегі брифинг барысында журналистер ресми өкілден: «Қазақстан шекарасы маңында бубон обасының қоздырғышы табылды деген ақпарат қаншалықты рас? Аталған аурумен ел аумағында тіркелген науқастар бар ма?», — деп сұраған еді.
Өз кезегінде Бағдат Қожахметов бұл ақпараттың расталғанын атап өтті.
«Бұл Моңғолияда, әсіресе РФ-ның Алтай өлкесінде табиғи бубондық обаны тасымалдайтын жануарлар мекендейтін жерлерде жыл сайын тіркеледі. Қазақстанда бубон обасымен ауырды немесе жұқтырды деген дерек жоқ. Неге десеңіздер, шекарада тосқауыл қойылған. Санитарлық-эпидемиологиялық жұмыстар жүргізілуде», — деп жауап берді ол.
Comments are closed.