Алматыда бір қабатты үйде жарылыс болды

4

29 шілде күні кешке Жетісу ауданындағы бір қабатты жеке үйде газ атылып, жарылыс болды 

Жарылыс салдарынан үйдің күл-талқаны шығып, қабырғалас көрші екі үйдің шатырларына да ішінара зақым келді.

— Іздестіру-құтқару және қирандыны жинау жұмыстары дереу ұйымдастырылды. Үйінді астынан бір әйел табылды. №7 бөлімнің өрт сөндірушілері 49 жастағы әйелді қиранды арасынан алып шығып, жедел жәрдем бригадасына тапсырды. Денеcінің термиялық күйіктерімен ол 4-ші қалалық клиникалық ауруханаға жеткізілді, — деп хабарлайды Алматы қалалық Төтенше жағдайлар департаменті.

 Жарылыстың алдын-ала себебі — газ тетігінің ашық қалуы. Оқиға орнында газдың апаттық-құтқару қызметі жұмыс істеуде.

 

Comments are closed.