Бүгін осы іс-шара аясында ауданның спорт ардагерлері жас спортшылармен бірге ұрпақтар сабақтастығы ретінде Жалпақтөбе ауылында аллеяға тал екті, деп хабарлайды jambylinfo.kz. Іс-шараның мақсаты - ұрпақтар сабақтастығы арқылы жастарды тазалыққа, жақсылыққа дәріптеу және аға буынның жастарға үлгі болуы. Өңірдің тазалығына бей-жай қарамай, қамқорлық көрсетуді насихаттау. Шараға қатысқан ауыл қариялары мен тұрғындары жастарды табиғатты аялауға шақырды. "Акцияға ат салысу баршамыздың азаматтық парызымыз. Әсіресе, айтулы жарыстарда атой салатын спортшылардың мұндай шаралардың бел ортасында жүруі заңдылық деп білемін. Туған жерін құрметтей алмаған спортшы оның туын да биікке көтере алмайды. Сондықтан да біз бүгін спорт ардагерлері жас спортшылармен бірлесіпғ игі іске үлес қостық", - деді спорт ардагері Р.Абдуллаев. Жалпы, Жамбыл ауданында «Таза Қазақстан» экологиялық акциясы аясында 17 гектар жерге 20 мың түп ағаш көшеті отырғызылды. Оның ішінде 14 100 түп қарағаш, 4 700 түп терек, 500 түп ясень (ерен) талы, 200 түп туя көшеті егілді.