Мемлекетаралық іздеуде жүрген жас жігіт Алматыда ұсталды
Тараздық пробация бөлімінің қызметкерлері мемлекетаралық іздеуде жүрген жас жігітті Алматы қаласында құрықтады. Пробациялық бақылаудан жалтарушыларды іздестіру іс-шараларын өткізу барысында Тараз қалалық №1 пробация бөлімінің бастығы, әділет майоры А.Ниязымбетов пен инспектор, әділет аға лейтенанты С.Алтынбек мемлекетаралық іздестіру жарияланған О есімді сотталған азаматты ұстады.
Тексеру кезеңінде жас жігіт масаң күйде болғандықтан, жағдайды анықтау үшін Жамбыл облыстық наркологиялық диспансеріне жеткізілді.
2003 жылғы жас жігіт Қазақстан Республикасының Қылмыстық Кодексінің 191 бабының 2 бөліміне (Тонау) сәйкес кінәлі деп танылып, сот үкімімен оған «қамауда ұстау» бұлтартпау шарасы тағайындалған.
Бүгінгі таңда сотталған азамат Алматы қалалық Алатау аудандық сотының үкімі негізінде Тараз қаласындағы №67 мекемеге (тергеу изоляторы) қамауға алынды.
Айта кетейік, ҚАЖ қызметкерлері тұрақты негізде сотталған азаматтар мен пробациялық бақылау орнатылған жазасын өтеушілерді іздестіру жұмыстарын жүргізуде.
Ұқсас жаңалықтар
Мектеп оқушыларымен кездесті
- 29 наурыз, 2024
Жамбылда жазасын өтеушілер дәстүрлі спорт түрлерінен сынға түсті
- 20 наурыз, 2024
Хабарландыру
Облыс әкімі азаматтарды қабылдады
- Бүгін, 15:58
Елімізде жаңа форматта 369 мектеп салынады
- Бүгін, 10:38
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді