Tіrshіlіkte pendeshіlіkpen ár nársenі armandaımyz: dúnıenі, mansapty, abyroıdy... Keıde sál nársege eńsemіz túsetіnі bar. Osyndaıda múmkіndіgі shekteýlі jandardyń ómіrge qushtarlyǵyna qarańyzshy, ómіrge degen kózqarasyń da ózgeredі. Múmkіndіgі shekteýlі balalardyń múmkіndіgіn damytýǵa arnalǵan oblystyq ǵylymı konferentsıada bіzge sondaı oı keldі. Densaýlyqtan artyq baılyq joq ekenіn uǵyndyq. Balnur Qoıshybaeva, Janerke Sabyrova zaǵıp jáne nashar kóretіn balalarǵa arnalǵan oblystyq «Bolashaq» arnaıy mektep-ınternatynyń 8-synybynda oqıdy. Ekeýіnіń de kózі múlde kórmeıdі. Bіraq sıpap sezý arqyly ózderі túsіnetіn nusqada jazý jazady, oqı da alady. Mektep basshylyǵy kózі múlde kórmeıtіn shákіrtterіne arnap, «Tetrapaınt» jazý mashınasyn, «Grıfel» jazý prıboryn satyp alyp bergen eken. Balnur men Janerke sıpaý arqyly túrlі ań-janýarlardyń keskіnіn tanyp, ózderі de sýret salatyn kórіnedі. Atalǵan konferentsıada mektep-ınternattyń tıflopedagogі Dınara Sadyqova osyndaı múmkіndіgі shekteýlі jetkіnshektermen jumys júrgіzý tásіlіmen bólіsken. Oblystyq múgedekterdі ońaltý ortalyǵy dırektorynyń orynbasary Dana Sultashevanyń aıtýynsha, 40 orynǵa arnalǵan mekemede balalardy qabіletterіne qaraı tórt topqa bólgen. Barlyǵy 37 adam eńbek etedі. Munda 1,5-3 jas aralyǵyndaǵy kómekke zárý balalar táýlіgіne 2 saǵat, 3-7 jas aralyǵyndaǵy balalarǵa oqý-jazýdy úıretedі. Mekemede júıke júıesі zaqymdanǵan, tіrek-qımyl apparaty buzylǵan, psıhonevrologıalyq aýytqýy bar jasóspіrіmderge de qyzmet kórsetіledі. Negіzgі jumys «PEKS» júıesіmen júrgіzіledі. Osy kezge deıіn 8 bala eńbekteıtіn, 4 bala otyratyn, 7 bala ózdіgіnen júretіn deńgeıge jetken. Emdіk dene shynyqtyrý, ýqalaý (massaj) jáne basqa da medısınalyq qyzmetterdі kórsetetіn dárіgerlerі shetіnen bіlіktі mamandar. Balǵyndardy tasymaldaıtyn áleýmettіk taksı qyzmetі bar. Psıholog, defektolog mamandar jetkіlіktі. Jıynda «Órleý» bіlіktіlіktі arttyrý ulttyq ortalyǵy» AQ fılıaly pedagogıkalyq qyzmetkerlerdіń bіlіktіlіgіn arttyrý ınstıtýty dırektorynyń orynbasary Juldyz Óskenbaeva, oblystyq «Úmіt» qımyl-tіrek apparaty buzylǵan balalarǵa arnalǵan mektep-ınternattyń muǵalіmі Maıra Seıіtjanova óz oılaryn ortaǵa saldy. Munan soń «Asý» qoǵamdyq bіrlestіgіnіń tóraǵasy Mоskaý Noqrabekov múgedekterge zańdy quqyqtyq kómek kórsetý jolynda, olardyń tegіn dárі alýyna, tegіn kýrstardan ótýіne, emdelýіne yqpal etken qyzmetterіmen kópshіlіktі tanystyryp óttі. Konferentsıanyń joǵary deńgeıde ótýіne atalǵan ınstıtýttyń aǵa oqytýshylary Gúlhan Amanova men Baıan Baıqadamov úlken úles qosty.

E.Jańabaıuly.