Облыс әкімдігінің дін істері басқармасының ұйымдастыруымен облыс аумағында жұмыс атқаратын этномәдени орталықтардың жетекшілері мен дәстүрлі діни конфессиялар көшбасшыларының қатысуымен «Халықтар достығы» атты кездесу өтті. Шара барысында аталған басқарманың басшысы Серғали Айдапкелов өңірде конфессияаралық және этносаралық келісімді нығайту жолында елеулі еңбек етіп жүрген бірқатар азаматтарға алғыс хаттар мен естелік сыйлықтар тапсырды.