Солтүстік Қытайдағы Шаньси провинциясының әкімшілік орталығы Тайюань қаласының туристік аймағында ондаған ескі автобус қонақ үйлерге айналды, - деп жазады ҚазАқпарат. Ерекше қонақ үй кешені ағымдағы жылдың басында ашылды. «Автобустарда көптеген негізгі бөліктер сақталған, соның ішінде терезелер, рульдер мен доңғалақтар. Әрбірінде бөлме, қонақжай бөлме мен жуынатын бөлме, сонымен қатар жылу, жарық пен сумен қамту жүйесі бар»,- деп атап өтті қалалық туристік ведомство қызметкері Гао Юнпин. Оның айтуынша, туристік аймақта осындай  50 автобус-бөлме бар. Мұндай номерде бір рет түнеу құны 200-ден 600 юаньға дейін (1 долл - 6,56 юань).