Ол оралды!
Бейбіт Ыстыбаев Жетісайда қарсылас шыдатқан жоқ Оңтүстік Қазақстан облысы, Жетісай қаласында Қазақстан Республикасының қазақ күресінен еңбек сіңірген жаттықтырушысы, халықаралық дәрежедегі төреші Бақыт Жаңбырбаевтың жүлдесіне арналған қазақ күресінен ашық турнир өтті. Дүбірлі додаға Қырғыз, Өзбекстан мемлекеттерінен және еліміздің барлық облысынан кіл мықты балуандар қатысып, жүлдені сарапқа салды. Айтулы аламанда қарсыластарын алып та, шалып та жыққан жамбылдық балуандар жүлденің алдын бермеді. Түйе балуандар сынында өзін жақсы қырынан көрсеткен 2012 жылғы «Қазақстан барысы» Бейбіт Ыстыбаев топ жарса, Жасұлан Әбішев екінші орынға, Аманғали Жартыбаев үшінші орынға ие болды.
Бұдан бөлек, 90 келіге дейінгі мықтылар сынында да жамбылдықтардың жұлдызы жанды. Бұл санатта Бегімхан Әділбеков үздік үштіктен көрінді. Осылайша жамбылдық жігіттер Жетісай төрінен жүлдені күреп әкелді. Алда «Қазақстан барысы» мегажобасы жақындап келе жатқанын ескерсек, Бейбіт Ыстыбаев бастаған баһадүрлеріміздің аяқ алысы көңіл қуантады.
Табиғат Абаилдаев,
"Ақ жол".
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Референдумнан қордайлықтар да қалыс қалмауда
- 6 қазан, 2024
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді