Кел, Наурызым!
Наурыз шықты. Көктемменен,
Бүршік жарды тал-дарақ.
Бой ұмсынып көкке өрлеген,
Тұрмын тауға мен қарап.
Түлеп жатыр тылсым әлем,
Жайнап, гүлдеп, жаңарып.
Табиғаттың бір сыңары ем,
Тыныстайын кең алып.
Сергітпесін мені неге,
Саф ауаның самалы.
Тәтті шақтан тебірене,
Кеудем жырға толады.
Күлімдеген күн нұрымен,
Құлпыруда айналам.
Ел қауышып бір-бірімен,
Наурыз тойын тойлаған.
Жылды қарсы ап жұртым жатыр,
Салтымыз сол баяғы.
Күн теңеліп түн түрді ақыр,
Айға аңсар ауады.
Дастарқанын бәрі аямас,
Ұлт дәстүрі бар тағы –
Жеті түрлі дәм аралас,
Жыл көжесін тартады.
Кел, Наурызым!
Жаңа шырай, Жер дүниені жасандыр.
Көптен бері дәл осылай,
Тамсанып ек қашан бір.
Самғап ғалам көгіне еркін,
Шыға берсін тек төрге.
Уа, Жасаған, момын елдің.
Қуанышын көп көрме!
Адамдардың алып-ұшқан,
Аппақ көңіл-күйін біл.
Сақтап сәтін сағынысқан,
Ұзағынан сүйіндір!
Үміт БИТЕНОВА
Ұқсас жаңалықтар
Дәуір айнасына айналған басылым
- 22 қазан, 2024
«Знамя труда» гезетінің 105 жылдығы аталып өтті
- 22 қазан, 2024
Ақпарат
Референдумнан қордайлықтар да қалыс қалмауда
- 6 қазан, 2024
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді