«Сайлау-2023» онлайн-телемарафоны аясында ОКҚ алаңында Италияның «Notizie Geopolitiche» ақпараттық агенттігінің тілшісі Сильвия Болтук осындай пікірін білдірді.

«Қазақстанға келгелі жақсы өзгерістердің көп екенін байқадым. Мен көшеде келе жатқан адамдармен де, Үкімет өкілдерімен де сөйлестім. Олардың барлығы елдегі оң өзгерістер туралы көп айтты. Қазір елде өте маңызды процестер жүріп жатыр, ең бастысы, қазір халықта елді басқаруға қатысу мүмкіндігі артады», - деді спикер.

«Financne Noviny» бас редакторы Владимир Бачишин телемарафонның тікелей эфирінде қазақстандықтарға ақ тілегін жеткізді.

«Қоғамдағы ең маңызды нәрсе – бұл адамдардың денсаулығына, олардың біліміне қаржы құю. Барша қазақстандықтарға жақсылық қана тілеймін», - деді спикер.

ҚР Орталық коммуникациялар қызметі