Бауыржан Момышұлы ауылында бұрынғы автобекет аумағында жолаушыларға қызмет көрсететін жаңа пункт пайдалануға берілді. Оның құрылысын «Айнұр-Жеті Нұр» ЖШС жүргізді. Мұнда жолаушылар залына жайлы орындықтар қойылып, қабырғаға теледидар орнатылған. Билет кассасы тұрақты жұмыс істейді. Ауыларалық көлік қатынасының кестесі ілінген. Жолаушылар жаңа пунктке дән разы.