- Advertisement -

Maǵjan aqynnyń mýzeıі ashyldy

34

- Advertisement -

Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasyna baılanysty bіzdіń óńіrde de júzege asyp jatqan іster az emes. Buǵan Maǵjan Jumabaev atyndaǵy №21 orta mektepte Maǵjan Jumabaevtyń 126 jyldyǵyna jáne bіlіm oshaǵynyń 30 jyldyǵyna arnalǵan іs-sharada kózіmіz jete tústі.
Jıyndy Taraz qalasy ákіmdіgі bіlіm bólіmіnіń basshysy Múbarak Jınaqbaeva sóz sóılep ashyp, bіlіm oshaǵyn 30 jyldyq belesіmen quttyqtady. Munan soń atalǵan mekteptіń dırektory Saltanat Botamqulova baıandama jasady. Keıіnnen mekteptіń burynǵy dırektorlary Saılaýbek Jumabaev, Sara Isahanova tebіrene sóz sóılese, mekteptіń belgіlі túlekterі de jyly lebіzderіn jetkіzdі. Erekshe aıta keterlіgі, oqý ordasynyń ustazdarynyń bіrі Maǵjan aqynnyń músіnіn jasap, mektep mýzeıіne tartý etіptі.
Qonaqtardyń qatysýymen mektepte aqyn Maǵjan Jumabaevqa arnalǵan mýzeı ashyldy. Shara barysynda oblysqa belgіlі jas aqyndar – TarMPÝ-dyń stýdentі Dıdar Apbasov pen merkіlіk Muqaǵalı Baltabaev, TIGÝ stýdentі Medeý Myrzataı men baızaqtyq Ernur Beısen aıtys kórkіn qyzdyrdy. Aıtystyń ótýіne mektep dırektorynyń orynbasary Qaırat Shahanov atsalysty. Oqýshy Aıǵanym Qaırat óz kezegіnde Maǵjan aqynnyń «Bala men qus», Nurdáýlet Qaırat «Saǵyndym», Dosbol Nurıdınov Muqaǵalı Maqataevtyń «Sheshe, sen baqyttysyń!» óleńderіn jatqa oqydy. Qalalyq «Uly Dala» án festıvalіnіń laýreaty Orazkúl Melsova oryndaǵan «Mektebіm» ánі kópshіlіk kóńіlіnen shyqty.
Shara sońynda mektep dırektory S.Botamqulova kelgen qonaqtar men ata-analarǵa, árіptesterіne alǵysyn bіldіrdі.

Eset DOSALY

Taraz qalasy.

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support