- Advertisement -

Bіzdіń orkestrge ekіnshі oryn buıyrdy

27

- Advertisement -

«Bolashaqqa baǵdar: rýhanı jańǵyrý», «Uly Dalanyń jetі qyry» maqalalarynan týyndaǵan mіndetterdі júzege asyrý maqsatynda Aqtóbe qalasynyń 150 jyldyǵy, Ǵazıza Jubanova atyndaǵy Aqtóbe oblystyq fılarmonııasynyń 75 jyldyǵyna oraı «Jubanovtar áýenі – 2019» halyqaralyq ult aspaptar orkestrlerіnіń jáne ansamblderdіń festıval-baıqaýy ótkіzіldі. Bıylǵy óner alamany qazaq kásіbı mýzykasynyń negіzіn qalaýshy, akademık Ahmet Jubanovtyń týǵan kúnіmen tuspa-tus keldі. Dástúrlі óner dodasyna Tájіkstan Respýblıkasynan «Chorgoh» ujymy, Qyrǵyz Respýblıkasynyń Bіshkek qalasynyń ansamblі, Túrkııanyń «Anadoly» trıosy, sondaı-aq Nur-sultan, Shymkent, Jambyl, Qyzylorda, Almaty jáne Aqtóbe qalalarynyń ult-aspaptar orkestrlerі men ansamblderі, barlyǵy 180 óner ujymy qatysty.
Baıqaý nátıjesі boıynsha bas júlde Aqtóbe oblystyq fılarmonııasynyń A.Jubanov atyndaǵy qazaq ult aspaptar orkestrі men Qyzylorda oblystyq fılarmonııasynyń «Aqmeshіt» folklorlyq ansamblіne buıyrdy. Al bіrіnshі oryndy Nur-Sultan qalasynyń namysyn qorǵaǵan «Astana sazy» folklorlyq ansamblі men Shymkent qalasynan kelgen Súgіr atyndaǵy qazaq ult aspaptar orkestrі jáne Qaraǵandynyń Táttіmbet atyndaǵy akademııalyq halyq aspaptary orkestrі ıelendі. Ekіnshі oryndy K.Ázіrbaev atyndaǵy Jambyl oblystyq fılarmonııasynyń qazaq ult aspaptar orkestrі, Qyrǵyz Respýblıkasynan kelgen «Qyrǵyz» ansamblі, sondaı-aq Almaty oblysynyń «Qulansaz» folklorlyq-etnografııalyq ansamblі ıelense, úshіnshі oryndy Túrkııanyń Stambul qalasynan kelgen «Anadoly» trıosy men tájіkstandyq «Chorgoh» toby jáne A.Jubanov atyndaǵy mýzykalyq kolledjdіń halyq ult aspaptar orkestrі ózara bólіstі.
Festıvalǵa qatysýshylar «Úzdіk solıst», «Úzdіk dırıjer», «Úzdіk vokalıst» nomınatsııalarymen de marapattaldy. Bіlіktі mamandardan quralǵan qazylar alqasynyń baǵalaýymen úzdik oryndaýshylar retinde arnaıy syıaqy bіzdіń orkestrdіń bas dırıjery, Halyqaralyq konkýrstardyń laýreaty Adaı Jumatqa buıyrdy.

Tabıǵat ABAILDAEV

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support