Татулықтың туы тұрар желбіреп
Ғажап елім, ұлылардың жалғасы,
Көк жүзінде қыран сынды самғашы.
Қазақстан – бауырмалдық айнасы,
Қазақстан – татулықтың ордасы.
Сенсіз жүрек қалатындай қаңырап,
Сенен басқа болсын қандай тағы бақ?
Менің елім – мейірімнің Отаны,
Жүз отыз ұлт сыйып кеткен шаңырақ.
Ай да, жыл да, ғасыр, дәуір өтеді,
Бәрі-бәрі тарих болып кетеді.
Қазақстан – жүрегі кең даладай,
Қазақстан – жақсы адамдар мекені.
Біз қараймыз айналаға елжіреп,
Қазақстан құлпырар кез келді деп.
Қазақстан – Хан Тәңірі достықтың,
Татулықтың туы тұрар желбіреп.
Гульрух ГАДЖАРОВА,
М.Х.Дулати атындағы ТарМУ-дың студенті.
Тараз қаласы.
Comments are closed.