Боксшы соңғы рет 2017 жылы қыркүйекте жұдырықтасқан.
Алғашқы орта салмақта жұдырықтасатын қазақстандық кәсіпқой Қанат «QAZAQ» Исламның (25-0, 20 КО) рингке оралуы белгісіз уақытқа шегеріліп отыр.Бұл туралы Vesti.kz тілшісіне боксшы командасына жақын мәлімет көзі мәлімдеді.
Қанат Исламның аяқ жарақатын емдеу нәтижелі болмай отырған көрінеді. Боксшы наурыз басынан жаттыға бастауды жоспарлаған еді, алайда, жарақатты емдеу қиындықтарына байланысты қалыпқа келу созылып кетті. Ал рингке оралу уақыты әлі анық емес.
Еске салайық, америкалық boxrec.com сайтында қазақстандық боксшының «белсенді емес» екені көрсетілгеніне байланысты боксшы карьерасын тоқтатты ма деген сұрақтар туындаған. Алайда боксшының өзі бұл ақпаратты растамады.
Ислам 2017 жылдың 9 қыркүйегінде алғашқы орта салмақта WBO NABO және WBA-NABA белбеулері үшін Астанада канадалық Брэндон Кукты (20-2, 13 КО) нокаутқа түсіргеннен кейін жұдырықтасқан жоқ. Оның келесі жекпе-жегі 23 маусым Лос-Анджелеске белгіленген еді, алайда, қазақстандық аяғын жарақаттап алды.
Ал дәрігерлер осы уақытқа дейін боксшының сол аяғының бұлшық еті бүріліп, кішірейіп кеткен. Енді осы аяғының сіңірін жазып, бұлшық етін де өсіру керек. Бәрі сәтті болып жатса, рингке екі-үш айдан кейін шыға алатынын айтқан.
Жақында Қанат Ислам биыл көктемде рингке оралатынын хабарлаған, алайда, толық емделіп алу керек болатын. Осыдан кейін боксшы ұзақ уақыт рингке шықпағанын түсіндіріп, 40 жасқа дейін айқаасатынын мәлімдеген.
Comments are closed.