«Кашара» жедел профилактикалық шарасы өткізілді
Қазақстан Республикасының Көші-қон заңнамасын бұзғандарды анықтау үшін облыс аумағында «Кашара» жедел профилактикалық іс-шарасы өткізілуде, оған облыстық полиция департаменті көші-қон қызметі басқармасы қызметкерлерінің жеке құрамы қатысты.
Байзақ ауданындағы Тегістік ауылында фазенданы тексеру барысында заңсыз көші-қонға қарсы күрес жөніндегі арнайы жеке рота қызметкерлері заңсыз еңбек қызметімен айналысатын Өзбекстан Республикасының төрт азаматын анықтады.
Қазіргі таңда шетелдік азаматтарға қатысты ҚР ӘҚБтК 517-бабы бойынша әкімшілік хаттама толтырылып, оларды ҚР шегінен шығарып жіберу мәселесі шешілуде.
Облыстық полиция департаментінің баспасөз қызметі.
Comments are closed.