Жасампаз қала – Жамбылым
Облысымыздың құрылғанына 80 жыл толуына орай мектеп олимпиадаларын және мектептен тыс іс-шараларды өткізетін облыстық орталықта «Жасампаз қала – Жамбылым!» атты облыстық ғылыми-тәжірибелік конференция өтті.
Елбасының «Болашаққа бағдар: рухани жаңғыру» бағдарламалық мақаласынан туындаған міндеттерді жүзеге асыру жолдары талқыланған жиында туған өлкенің тарихы сөз болды. Атап айтсақ, облыстың құрылу кезеңі, археологиялық ескерткіштері, республикалық, облыстық маңызы бар тарихи-мәдени нысандар жайы айтылды. Қазіргі кездегі облыс тарихын зерттеп жүрген ғалымдар ұсынған дереккөздері мен мәліметтер талқыланды.
Жаңа бағыт, тың ой айтқандар белгілі жазушы-мұрағаттанушы, Қазақстан Жазушылар Одағының мүшесі, Қазақстанның құрметті журналисі Мақұлбек Рысдәулет, жазушы, драматург, публицист, Қазақстан Жазушылар және Журналистер Одақтарының мүшесі Елен Әлімжан, тарихи-мәдени ескерткіштерді қорғау және қалпына келтіру дирекциясы директорының орынбасары, тарихшы-археолог Сауран Қалиев болды. Жалпы конференцияға 130 ғалым, оқытушы-педагог қатысты.
Іс-шара аясында жалпы орта білім беру мекемелерінің 5-10-сынып оқушыларының жұмыстары топтастырылған «Туған жерім – Жамбылым» атты фото-көрме ұйымдастырылды.
«Aq jol-Aqparat».
Comments are closed.