Bosaǵan belbeý bosqa turmaıdy

Golovkınniń komandasy Derevánchenkomen kezdesý ótkizýge daıyn ba?

Kásipqoı bokstan orta salmaq dárejesiniń eks-chempıony Gennadı Golovkın men ýkraınalyq Sergeı Derevánchenko IBF belbeýine talasýǵa múmkindik alǵany belgili. Meksıkalyq Saýl Alvares ózine tıesili belbeýdi qorǵaýǵa asa bir nıet tanytpaǵandyqtan halyqaralyq boks federasıasy chempıondyq belbeýdi «tartyp» alǵan bolatyn. Atalmysh belbeý ıesi ereje boıynsha negizgi úmitker Sergeı Derevánchenko men Gennadı Golovkın shaıqasynda anyqtalýy tıis. Óıtkeni qazaqstandyq boksshy reıtıńte kósh tizginin qolǵa alyp tur.
Qysqasy, bosaǵan belbeýdiń bosqa turmaıtyny belgili. Yntaly bolsa, qos boksshynyń komandasy kelissóz júrgizýi tıis. Sońǵy derekterge sensek, kelissóz prosesi endi bastalǵan sekildi. Áleýmettik jelilerde jeldeı esken aqparatqa qatysty Gennadı Golovkın de resmı jaýap berdi. «Biz bul baǵytta jumys istep jatyrmyz», – dedi Golovkın óz oıyn ortaǵa salyp.
Derekkózderge sensek, IBF belbeýine talasatyn ýkraınalyq boksshy bul kezdesýde óziniń gonoraryn 11 esege ulǵaıtýdan úmitti kórinedi. Buǵan deıin eń kóp degende 500 myń AQSh dollaryn qaltasyna basqan Derevánchenko 5,5 mıllıon dollardyń chegin alǵysy keledi. Genanyń esimi kásipqoı boks áleminde zor bedelge ıe ekeni anyq. Al shyn myqtylardan tek amerıkalyq Denıel Djeıkobspen qolǵap túıistirip, oǵan utylyp qalǵan Sergeı ázirge AQSh jankúıerleri úshin tanymal boksshylar qataryna jatpaıdy. Alvarestiń kelisimge kelmeýine de gonorar máselesi basty sebep bolǵan kórinedi. Golovkın Sergeıdiń komandasy talap etetin gonorarǵa kelisedi me eken? IBF belbeýi Alvarespen ótýi tıis úshinshi jekpe-jekte basty faktorlardyń birine aınalýy múmkin ekenin eskersek, Golovkınniń komandasy shaıqasty ótkizýge múddeli ekeni talas týdyrmaıdy.

 

Tabıǵat ABAILDAEV.

Comments are closed.

https://4store.com.ua/