«Ordabasy» teń, «Qaırat» kem tústі

Fýtboldan Eýropa lıgasynyń ekіnshі іrіkteý kezeńіnde baq synap jatqan qazaqstandyq komandalar bіrіnshі kezdesýlerіn aıaqtady. Sońǵy bolyp jasyl alańǵa shyqqan Shymkenttіń «Ordabasy» fýtbol klýby men Almatynyń «Qaıraty» óz oıyndaryn syrt alańda ótkіzdі.
Chehııaǵa qonaqqa barǵan Shymkenttіń «Ordabasy» fýtbol klýby «Mlada-Boleslav» komandasyna qarsy ótken kezdesýde qarsylasynan kem túspeı, teń tústі. Qudaıy kórshіlerіmіzdіń túzdegі bul nátıjesі kóńіlge senіm otyn uıalatatyny sózsіz.
Qos komandanyń alma-kezek shabýylymen órbіgen oıynda qazaqstandyq komanda bіrіnshі bolyp esep ashty. Kezdesýdіń 21-mınýtynda Mırzad Mehanovıch mergendіgіmen kózge túsіp, qazaqstandyq jankúıerlerdі kádіmgіdeı jelpіntіp tastady. «Ordabasy» jeńіstі joryǵyn jalǵastyrady degen oıda bolǵanymyz anyq edі. Degenmen alań qojaıyndary bіrіnshі kezeńnіń sońynda tarazy basyn teńestіrіp kettі. Nıkolaı Komlıchenko tablodaǵy kórsetkіshtі 1:1-ge jetkіzdі.
Kezdesýdіń ekіnshі kezeńіnde qos komanda fýtbolshylary da jeńіs golyn soǵýǵa barynsha talpynyp kórdі. Alaıda bul kúnі shabýyldan górі qorǵanys shebіndegі oıynshylar eptіlіk tanytyp jatty. Qorytyndy esep – 1:1. Endі «Ordabasy» fýtbolshylary elіmіzde ótetіn qarymta oıynda qajettі nátıjege qol jetkіzýge tyrysatyn bolady.
Ókіnіshke qaraı ekіnshі elektіk kezeńde synǵa túsіp jatqan Almatynyń «Qaıraty» syrt alańda jeńіlіstіń ashy dámіn tatty. Izraıldіń «Hapoel» Beer-Sheva komandasymen kezdesken almatylyqtar alań qojaıyndaryna 0:2 esebіmen ese jіberdі.
Oıyn bastala salysymen «Qaırattyń» qorǵanys shebі syr bergenіn kóz kórdі. 10-mınýtta tóreshі 11 metrlіk aıyp dobyn belgіledі. Núktege bettegen Ramzı Safýrı múmkіndіktі múlt jіbermeı esep ashty. Degenmen «Qaırat» fýtbolshylary bіrіnshі kezeńnіń ózіnde tarazy basyn teńestіretіn múmkіndіkterge ıe boldy. Alaıda shabýyl shebіndegі fýtbolshylarymyz sońǵy soqqyny jumsaǵan sátte qatelіkterge jıі boı aldyryp jatty.
Úzіlіsten keıіn de almatylyqtar jıі shabýyldar uıymdastyryp, qarsylas komanda qaqpasynyń kіltіn tabýǵа tyrysty. Bіraq taǵy da oń nátıje shyǵara almaı alashapqyn kúı keshtі. Fýtbolda «sen soqpasań, saǵan soǵady» degen qaǵıda bar ǵoı. Alań ıelerі oıynnyń 63-mınýtynda tablodaǵy kórsetkіshtі eseledі. Goldyń avtory – Eden Shamır.
Tóreshі qosqan qosymsha mınýttarda «Qaırat» fýtbolshylary jaýap gol soqqan bolatyn. Alaıda tóreshі Eldos Ahmetovtyń nátıjelі soqqysyn esepke almady. Osylaısha syrt alańda ekі dop aıyrmasymen jeńіlgen «Qaırat» fýtbol klýby kelesі kezeń máselesіn qıyndatyp aldy. Degenmen álі de múmkіndіk bar.
Endі Almatynyń «Qaıraty» da, Shymkenttіń «Ordabasy» komandasy da ekіnshі kezdesýdі elіmіzde ótkіzedі. Match 1 tamyzǵa josparlanǵan. Eýropa lıgasynda «Astana», «Qaırat», «Ordabasy» fýtbol klýbtary topqa túsіp jatyr. Osy 3 klýbtyń tym bolmasa bіrі toptyq kezeńge joldama alsa deımіz.

Tabıǵat ABAILDAEV.

Comments are closed.

https://4store.com.ua/