- Advertisement -

Шындық бар жерде сенім бар

34

- Advertisement -

Қазақстан Президенті Қасым-Жомарт Тоқаев сайлауалды бағдарламасында халықтың тұрмыс-тіршілігі мен мұң-мұқтажын, әлеуметтік-экономикалық мәселелерін жан-жақты саралаумен бірге оны оңтайлы шешу және билік пен қоғам арасында өзара тиімді байланыс болуы үшін Ұлттық қоғамдық сенім комиссиясын құруға уәде берген еді. Сол сөзінде тұрды. Twitter-дегі парақшасында «Ұлттық қоғамдық сенім кеңесін құру туралы Жарлыққа қол қойдым. Ұлттық кеңес мүшелері, белгілі қоғам қайраткерлері елімізді жаңғырту ісіне елеулі үлес қосады деп сенемін. Бұл – өте маңызды міндет» деп жазды.
Егемен елімізді одан әрі өр­кен­дету мен халықтың тұр­мыс деңгейін жақсарту, қоғамның да­муына кедергі келтіріп отыр­ған кесел – сы­байлас жем­қор­лықты жою, көкейкесті әлеу­­мет­тік-экономикалық және еңбек қатынастарына бай­ла­ныс­ты мәселелерді ше­шу бағытындағы игі істер мен маңызды міндеттерден кә­сіп­од­ақ та тысқары қалмайды. Екі миллионнан астам мүшесі бар қоғамдық ұйым елімізді жаң­ғыр­ту бағытындағы ауқымды жұ­мыстардың бел ортасында болатыны сөзсіз.
Кәсіподақ – азаматтық қо­ғам­­ның негізгі тірегінің бірі. Сондықтан біз таяу уа­қыт­та ат­қарылатын ауқымды жұ­мыс­­тардың ойдағыдай жүзе­ге асуы жолында күш-жіге­рімізді сарқа жұмсауға тиістіміз. Кә­сіп­одақ жұ­мыс­шылардың мүд­де­сі мен құқын қорғайтын ұйым болғандықтан, жергілікті жердегі еңбек ұжымдарымен тікелей және тығыз байланыста, диалог түрінде жұмыс істеуді жалғастыра береміз.
Мемлекет басшысы Қасым-Жомарт Тоқаев Үкіметтің ке­ңей­­тілген мәжі­лі­сінде де осы мә­­селені – билік пен қоғам ара­­сындағы диалогты дамыту қа­жет­тігін баса айтты. Жаңадан құ­­рыл­ған комиссияның да бас­ты мақсаты осы. Билік тар­мақ­­тары елмен етене байла­ныс­­та болуы тиіс. Сонда ғана халықтың жағдайы мен тұр­мыс-тіршілігін, әлеуметтік мәсе­лелерін жан-жақты білуге мүм­кіндік болады. Ештеңені жасырып-жабудың қажеті жоқ. Ашықтық қажет. Шындық бар жерде сенім бар. Халық өздері көтерген мәселелерді биліктің ескерусіз қалдырмайтынына шүбәсіз сенімде болуы керек.
Әлеу­мет­­тік-еңбек қа­ты­нас­тарына байланыс­ты мәсе­ле­­лер­ді оңтайлы ше­шу­­дің бірден-бір жолы – әлеу­мет­тік әріптестік. Оған кейінгі жылдары нақты көз жетті. Бұл – жұмыс берушілер, жұмысшылар мен мемлекеттік орган­дар арасындағы еңбек және әлеуметтік-эко­но­ми­ка­лық қатынастарды реттеу мәселелері бойынша мүд­де­лер­ді келістіруді қамта­ма­сыз етуге бағытталған өзара тиімді қарым-қатынас жүйесі. Осындай үшжақты комиссия республикалық, салалық және аумақтық деңгейде бар. Респуб­ликалық үшжақты комис­сияның құрамына Қа­зақ­стан Республикасының Үкі­­меті, Кәсіподақтар федера­ция­сы және «Атамекен» Ұлт­тық кәсіпкерлер палатасы енген. Ал салалық үшжақты комис­сия­ның құрамында тиісті министр­лік, салалық кәсіподақ, Ұлт­тық кәсіпкерлер палатасы бар. Ал аумақтық комиссия әкім­дік, аумақтық кәсіподақ, жер­гі­лікті кәсіпкерлер палатасы арасындағы әлеуметтік әріп­тес­тікті қалыптастырып отыр. Сон­дықтан осы бағыттағы жұ­мыс­тарды одан әрі жандандыру – біздің басты мақсатымыз.

Бақытжан Әбдірайым,
Қазақстан Республикасы Кәсіподақтар федерациясының төрағасы.

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support