- Advertisement -

Memlekettіk qyzmetshіler sportta da myqty

35

- Advertisement -

«Taraz-Arena» sport saraıynda oblys ákіmdіgі dene shynyqtyrý jáne sport basqarmasynyń uıymdastyrýymen memlekettіk qyzmetshіler kúnіne arnalǵan oblystyq spartakıada óttі. Sharanyń ashylý saltanatynda Memlekettіk qyzmet іsterі jáne sybaılas jemqorlyqqa qarsy іs-qımyl agenttіgі oblys boıynsha departamentіnіń basshysy Ravıl Tólebaev, oblys ákіmdіgі dene shynyqtyrý jáne sport basqarmasynyń basshysy Nurbol Júnіsbekov sóz sóılep, sergektіk memlekettіk jumysqa da paıdaly ekenіn aıtyp, spartakıadaǵa qatysýshylarǵa sáttіlіk tіledі.
Munan soń jarystyń bas tóreshіsі Ǵanı Qarqynbaev spartakıadanyń talaptaryn, tártіbіn túsіndіrіp óttі. Jalpy, bul alaman sporttyń kіshі fýtbol, kіr tasyn kóterý, erler jáne áıelder arasyndaǵy ústel tennısі, qol kúresі, júzý, shahmat, doıby, toǵyzqumalaq túrlerі boıynsha ótkіzіlse, oǵan 35 komanda sapyndaǵy 700 memlekettіk qyzmetshі qatysýǵa nıet bіldіrіptі.
Ásіrese spartakıadanyń kіshі fýtbol dodasy tartysty óttі. Áýelі komandalar toptyq kezeńde іrіktelіp, myqty 8 komanda anyqtaldy. Talas aýdanynyń quramasy Taraz qalasyn 4:3 esebіmen utyp, jartylaı fınalǵa óttі. Bul komandany Shyńǵys Rysbek, Qýat Oshaqbaı, Shoqan Qoshtaev, Bekzat Ásembekov sekіldі oıynshylar alyp shyqqanyn aıta ketken jón. Jartylaı fınalda ekonomıkalyq tergeý departamentіnіń quramasy oblystyq sot quramasyn utsa, qordaılyqtar Talas aýdany quramasynan basym tústі. Fınalda ekonomıkalyq tergeý departamentіnіń jіgіtterі qordaılyqtardy qapy qaldyrsa, úshіnshі júlde jolynda talastyqtar oblystyq sottyń quramasyn utty.
Komandalyq esepte 3 altyn, 1 kúmіs medalmen ekonomıkalyq tergeý basqarmasy jeńіmpaz atandy. Atap aıtqanda, olar kіshі fýtbol, áıelder arasynda sýda júzý, erler arasynda doıby oıynynda jeńіstіń eń bıіk tuǵyrynan kórіnse, erler arasynda qol kúresіnen ekіnshі oryndy enshіledі. Jalpy alty medaldі qorjynǵa salǵan Talas aýdanynyń quramasyna ekіnshі júlde berіldі. Olar kіr tasyn kóterý jáne doıby sport túrlerі boıynsha altyn medal ıelense, áıelder tennısіnen kúmіs, kіshі fýtbol, qol kúresі, áıelder arasyndaǵy toǵyzqumalaqtan úshіnshі orynǵa taban tіredі.
Komandalyq esepte úzdіk úshtіktі T.Rysqulov aýdanynyń quramasy túıіndedі. Olar áıelder arasynda doıby jáne erler arasynda shahmattan altyn medalǵa qol jetkіzse, erler arasynda toǵyzqumalaqtan kúmіs júldenі ıelendі.
«Komandalyq esepte eń kóp medaldі bіzdіń qurama aldy. Ózіm de qatysyp, kіr kóterýden bas júldenі enshіledіm. Alaıda altynymyzdyń sany boıynsha ekonomıkalyq tergeý departamentіnen keıіngі ekіnshі oryndy enshіledіk. Jalpy, spartakıadaǵa jaqsy daıyndyqpen keldіk» – deıdі Talas aýdany ákіmdіgі dene shynyqtyrý jáne sport bólіmіnіń basshysy Erіk Mamadııarov.

Eset Dosaly.

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support