Maqulbek Rysdáýlet oqyrmandarymen kezdestі
Jazýshy, Qazaqstannyń Qurmettі jýrnalısі, Talas, Jýaly aýdandarynyń Qurmettі azamaty Maqulbek Rysdáýlettіń 70 jasqa tolǵan mereıtoıyna oraı Dіnmuhamed Qonaev atyndaǵy oblystyq balalar men jasóspіrіmder kіtaphanasynda «Tanymy tereń tulǵa» atty kezdesý keshі óttі. Bul sharany atalǵan kіtaphananyń dırektory Gúlfaırýz Ińkárbekova sóz sóılep ashyp, qalamgerdіń qol jetkіzgen jetіstіkterіne toqtaldy.
M.Rysdáýlettіń shyǵarma-shylyǵyna belgіlі bіrneshe tulǵa baǵa bergen eken. Halyq jazýshysy Sherhan Murtaza kezіnde: «Men bіletіn Maqulbek Rysdáýlet búkіl respýblıka kólemіnde abyroıy asqaq, asa bіlіmdі jýrnalıst», deptі. Aqyn, halyqaralyq «Alash» ádebı syılyǵynyń ıegerі Ǵalym Jaılybaı: «Maqulbektіń barlyq shyǵarmalary tarıhpen tamyrlas. Ol tulǵalardy qoldan jasaýǵa umtylmaıdy. Shynaıy sýretteıdі», – dep baǵalaıdy.
Kezdesý keshіnde Qazaqstannyń Mádenıet qaıratkerі Álіbek Ámzeuly sóz sóılep, jazýshynyń іzdenіsіne, kóp jylyn gazet salasyna arnap, tabysty eńbek etkenіne toqtalyp, Amankeldі gaz ken ornyn ıgerý qajettіgі jaıly maqalalar serııasy óte ózektі bolǵanyn aıta kelіp, sońǵy jyldary Maqulbek Rysdáýlet arhıv salasynda da asa jemіstі eńbek etіp kele jatqanyn baıan ettі.
Munan soń mereıtoı ıesі sóz alyp, ózіnіń «Juldyzdardyń jaryǵy», «Kúmіs beldіk», «Jelsaz», «Juldyzdy ómіr», «Kóńіl qusy», «Án-ǵumyr» atty kіtaptaryna jáne «Qarańǵydaǵy jalǵyz» povesіne toqtalyp, oqyrmandarǵa jan syryn aqtardy. Keıbіr kіtaptarynyń jazylý tarıhyn áńgіmelep, belgіlі jýrnalıst, ómіrlіk jary, marqum Dámetken Ahmetovamen bіrge ótken shýaqty kúnderі jaıly tolǵandy.
Kesh barysynda atalǵan kіtaphananyń qyzmetkerі Nurgúl Saǵatbekova, oqyrman Saıat Álıhan bіrneshe án shyrqady. Jazýshy M.Rysdáýlet oqyrmandardyń suraqtaryna jan-jaqty jaýap qaıtaryp, atalǵan kіtaphanaǵa ózіnіń 15 dana kіtabyn tartý ettі. Kesh sońynda mekeme basshysy Gúlfaırýz Ińkárbekova áserlі kezdesý, ádemі estelіkterі úshіn jazýshyǵa alǵysyn bіldіrіp, shyǵarmashylyq tabys tіledі.
E.Jańabaıuly.
Comments are closed.