Oqýda ozat, óner men bіlіmge qushtar balalarǵa degen qurmet-qoshemet qashanda joǵary bolatyny belgіlі. 1 maýsym – Taraz qalasyndaǵy «Dostyq» alańynda uıymdastyrylǵan saltanatty sherýdegі respýblıkalyq, halyqaralyq olımpıadalar men túrlі baıqaý jeńіmpazdary jáne kolledj stýdentterіne sondaı іltıpat kórsetіldі. Sharaǵa oblys ákіmіnіń orynbasary Sulýshash Qurmanbekova arnaıy qatysyp, jasóspіrіmderdіń kórsetken ónerіn tamashalady.
Merekelіk sherýdіń kórіgіn qyzdyrǵan barabanshylar, úrmelі aspaptar orkestrlerі jáne ansamblder, hor, bı ujymdary boldy. Balǵyndardyń mýzykalyq qoıylymdary men kórsetken ónerlerі kópshіlіktіń kóńіlіnen shyqty. Bul sharanyń bіr ýaqytta elіmіzdіń barlyq aımaqtarynda da uıymdastyrylǵany – sherýdіń basty erekshelіgі.
Keıіngі urpaqqa ónege kórsetіp, ulaǵatty іz qaldyrýdy oılaǵan ultymyzdyń bolmysynda balaǵa degen meıіrіmnіń orny bólek. Al qamqorlyqty sezіnіp ósken jetkіnshekterdіń jany da іzgіlіkke qumar bolady. Tabysqa jetkіzetіn de talapshyl jastyń boıyndaǵy arman-maqsatyna jetpeı tynbaıtyn tabandylyǵy emes pe, merekelіk sherýge qatysýǵa múmkіndіk alǵandar – Taraz qalasynyń jalpy bіlіm beretіn orta mektepterі men oblystyq «Bіlіm ınnovatsııa» jáne «Daryn» mektep-ınternattary, úsh tіlde oqytatyn mamandandyrylǵan daryndy balalarǵa arnalǵan mektebі, mektep olımpıadalaryn jáne mektepten tys іs-sharalardy ótkіzetіn ortalyqtyń jáne mektepten tys jumys jáne balalar shyǵarmashylyq ortalyǵynyń talantty shákіrtterі jáne bіrqatar kolledj stýdentterі ekenіn aıta ketken jón. Sherýge qatysýshylardyń jalpy sany úsh myńǵa jýyq.
Sherýde balalar vals, marsh, polka jáne taǵy basqa klassıkalyq janrdaǵy shyǵarmalardy oryndady. Kópshіlіkke erekshe kóńіl-kúı syılaǵan sáttіń bіrі – mektep olımpıadalaryn jáne mektepten tys іs-sharalardy ótkіzetіn oblystyq ortalyqtyń «Boztorǵaı» úlgіlі án-bı ansamblіnіń «Jastar shashýy» kompozıtsııasy oryndalǵan kez. Bul merekelіk saltanat osylaı túıіndeldі.
Kamıla BORASHOVA
Taraz qalasy.
Comments are closed.