Қазақстан бокс федерациясының кубогы: Жамбылдықтар ширек финалда турнир чемпиондарын жолдан тайдырды

Кеше «Қазақстан бокс федерациясы кубогының»  ширек финалдық кездесулерінің екінші күні аяқталды. Бұл кезеңде «B» және «D» тобындағы командалар бақ сынасты. Орал қаласында «B» тобының (Астана, Жамбыл және Батыс Қазақстан облыстарының құрамалары) мықтылары анықталды. Елордалық құрамды Жамбыл облысының боксшылары 6:4 есебімен тізе бүктіріп, жартылай финалға жолдама алды. Астана құрамасы бұған дейін турнирдің чемпиондары саналып келген. Қарағандыда өткен сында Алматы және Қарағанды облыстарының боксшылары 8:2 және 10:0 есебімен Атырау және СҚО боксшыларын ойсырата жеңді. Бүгін қос жеңімпаз өзара тәжікелесіп, қай жеңгені жамбылдықтарға қарсылас атанады.

Ақпарат көзі: www.kazinform.kz