Мұсылмандарға шетелдік қыздарға үйленуге тыйым салынды

Сауд Арабиясының билігі шетел қыздарымен некелесуге тыйым салды.

Сауд азаматтары енді тек Чад, Пәкістан, Мьянма мен Бангладеш азаматшаларына ғана үйлене алады. Үйлену ережесі бойынша күйеу жігіт кем дегенде 25 жаста болу керек. Ал екінші әйел алуы үшін салмақты себеп болу керек: бірінші әйелі обырмен немесе Паркинсон ауруымен ауырса, бедеу болса ғана екінші рет үйленуге болады. Ал ажырасатын жағдайда, ер адам неке бұзылғаннан кейін жарты жылдан соң ғана қайта үйлене алады. Сауд Арабиясы – абсолютті монархиялы ел, ол жерде заң шариғатқа негізделіп жасалған. Әр Сауд азаматының өміріне қатал регламент белгіленген: алкогольді ішімдік ішуге, есірткі пайдалануға тыйым салынған. Ал зинақорлыққа барғандар өлім жазасына кесілуі мүмкін.