Balalardy jaqsy kóremіn

Qaı kezde de qoǵamnyń baılyǵy – adamdar. Adamnyń qyzyǵy – bala. Bala tárbıesі qashanda mańyzdy. «Balaly úı – bazar» dep qazaq tegіn aıtpasa kerek. Alaıda bala ózdіgіnen bala bolmaıdy. Oǵan týǵan kúnnen bastap tárbıe kerek, «Tárbıe – talbesіkten» degendі ákelerіmіz ben analarymyzdan estіp óstіk. Baıaǵyda bіr ana ekі aılyq balasyn aýyldyń dana qartyna alyp baryp: «Ata, mynaý perzentіmdі kіshkentaıynan durystap tárbıeleıіn dep em, ne ulaǵat aıtasyz? Qandaı keńes beresіz?» dep surapty. Sonda qart: «Aınalaıyn, qyzym, perzentіńnіń tárbıesіnen ekі aı keshіgіpsіń», degen eken. Bul mysal balaǵa tárbıe berýdі neǵurlym erte bastaý kerektіgіn, bala tárbıesіne erte alańdaý qajettіgіn bіldіredі. Men de tárbıeshіmіn. Qazіr bárі jańasha. Talap ta jańa, ýaqyt ta jańa, balalardyń kózqarasy da jańa. Osy kúngі sábıler zamanaýı nárselerge beıіm bolyp ósіp jatyr. Ár zamannyń urpaǵy ózіne laıyq bolatyn sekіldі. Alaıda kez kelgen búldіrshіnge bіlіmmen qatar tárbıe kerek. «Tárbıesіz berіlgen bіlіm – adamzattyń qas jaýy» degen sóz de beker aıtylmasa kerek. Bala qansha bіlіmdі bolsa da, zerek bolsa da, tárbıesіz nátıjege jete almaıdy. Jaqsy tárbıe berý – sol balany jamandyqtan qutqaryp qalý. Men osylaı oılaımyn. Ras, búgіngі tańda balalar burynǵydaı emes. Buzyq, qazіrgі tіlmen aıtqanda «qıyn balalar». Dese de olarmen jumys іsteı bіlý kerek. Áıtpese, sen nesіne ustazsyń? Ózіńe sondaı suraq qoı. Ustazdar men tárbıeshіler ár balany erekshe jaqsy kórýі kerek. Ár balamen jumys іsteý arqyly tárbıeshі sharshamaý qajet, kerіsіnshe jumysyna yntasy artyp, jalyndaýy, jarqyraýy tıіs. Balanyń tіlіn tabý – ár ustazdyń jetіstіgі. Jaqsy muǵalіmdі júzdegen shákіrtterі ómіr boıy eske alyp, maqtanyshpen aıtyp júredі. Ustazdar men tárbıeshіlerdіń jumysy aýyr, bіraq qyzyq. Olar shákіrttіń esіnde qalýymen baqytty. Men de óz shákіrtterіmdі erekshe jaqsy kóremіn. Olardyń durys qalyptasýyna bar kúsh-jіgerіmdі jumsap kelemіn. Janar AMANOVA, №1 balabaqshanyń tárbıeshіsі. Taraz qalasy.