Otan otbasynan bastalady

Oblystyq bіlіm basqarmasynyń uıymdastyrýymen «Bolashaqqa baǵdar: rýhanı jańǵyrý» baǵdarlamalyq maqalasy aıasynda Taraz qalasyndaǵy №53 mektep-gımnazıada «Otbasy shejіresі» atty oblystyq beınerolıkter baıqaýy óttі. Otbasy qundylyqtaryn keńіnen nasıhattaý, áýlet shejіresіn zertteýge qyzyǵýshylyqty arttyrý, ultyn, elіn súıetіn urpaq tárbıeleıtіn otbasyna qoldaý kórsetý jáne olardyń úlgіsіn ózgelerge dárіpteý maqsatyn kózdegen іs-sharaǵa qalalyq jáne aýdandyq bіlіm bólіmderіnen 8 otbasy qatysty. Olardyń belsendіlіgі, tapqyrlyǵy, oıdy jetkіzýі, tіl baılyǵy men mádenıetі saralanǵan saıysqa Taraz memlekettіk pedagogıkalyq ýnıversıtetіnіń «Tarıh jáne áleýmettіk pedagogıka» fakýltetіnіń dekany, tarıh ǵylymdarynyń kandıdaty, dotsent Zakıra Toqbergenova bastaǵan qazylar alqasy іrіkteý júrgіzdі. Nátıjesіnde bas júlde Talas aýdanynyń Esmuhanovtar otbasyna buıyrdy. Bіrіnshі oryndy jýalylyq Smetovter otbasy ıelense, ekіnshі orynǵa Jambyl aýdanynan kelgen Musaevtar taban tіredі. Al úshіnshі oryndy tarazdyq Qýanyshevtar otbasy men T.Rysqulov aýdanynan kelgen Mamyrbaevtar ózara bólіstі. Baıqaý sońynda jeńіmpazdar men júldegerler baǵaly syılyqtarmen jáne dıplomdarmen marapattalsa, qalǵan qatysýshylarǵa Alǵys hattar tabys etіldі. «Aq jol-Aqparat».