Оңды істер де, шешімін күткен мәселелер де бар

Өткен сенбі күні облыс әкімінің орынбасары Еркебұлан Дауылбаев Жамбыл ауданына арнайы жұмыс сапарымен барып, бірқатар құрылыс нысандарын аралады. Ол ең әуелі Қазақстан мен Қырғыз елі шекарасы аумағынан – Гродеково ауылынан бой көтеретін кіреберіс қақпа (арка) мен барельефтің құрылысымен танысты. Алайда аталған ауылдағы Мир және Набережная көшелерінің қиылысына салынатын архитектуралық нысан өңір басшысы орынбасарының ойынан шыға қоймады. Жауапты мамандар ұсынған қақпаның жаңаша 3 үлгісімен егжей-тегжейлі танысқан  Еркебұлан Әбілханұлы бұл маңға жанар-жағармай құю бекеттері жақын орналасқандықтан, құрылыс жұмыстары жүргізілуіне қолайлы басқа аумақ қарастыруды тапсырды.