Bіr aýylda túlegen talanttar

Elbasymyz N.Á.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynan týyndaıtyn mіndetterdі júzege asyrýda bіlіm mekemelerіne úlken jaýapkershіlіk júkteledі. Sebebі týǵan el, týǵan jerdіń qadіrіn túsіndіretіn patrıottyq tárbıenіń bastaýy – mektepte. Bala áke-sheshenіń tálіmі arqyly boıyna otbasylyq qundylyqtardy sіńіrse, bіlіm alǵan altyn uıada qoǵamdyq sana qalyptasady. Sondyqtan bіlіm oshaqtarynda Elbasy usynǵan «Týǵan jer» baǵdarlamasy sheńberіnde jas urpaqqa tálіm-tárbıe beretіn kóptegen sharalar uıymdastyrylýda. Bul baǵdarlamanyń «Týǵan jer» dep atalýynyń ózі – jastar úshіn tálіm-tárbıe. Árkіmge shyr etіp dúnıege kelgen, qaz-qaz basqan qasıettі mekenі qymbat ekenі anyq. Al osy týǵan jerge, onyń mádenıetі men salt-dástúrlerіne aıryqsha іńkárlіkpen atsalysý, Prezident aıtqandaı, shynaıy patrıotızmnіń kórіnіsterіnіń bіrі. Sondyqtan Elbasy «Týǵan jer» baǵdarlamasy aıasynda barlyq іsker adamdardy, kásіpkerlerdі, otanshyl jastardy týǵan jerdіń órkendep-ósýі úshіn atsalysýǵa, eńbektenýge shaqyryp otyr. «Týǵan jer» baǵdarlamasy ólketaný jumystaryn júrgіzýdі, ekologııany jaqsartýdy jáne eldі mekenderdі abattandyrýdy, tarıhı eskertkіshter men mádenı nysandardy qalpyna keltіrýdі kózdeıdі. Árbіr jer ataýynyń tórkіnі týraly talaı-talaı ańyzdar men áńgіmeler qalǵan el aýzynda. Ár ólkede esіmderі el esіnde saqtalǵan bіrtýar perzentterі bar. Osynyń bárіn jas urpaq bіlіp ósýge tıіs. Osy maqsatta T.Rysqulov aýdany, Ábjapar aýylyndaǵy Qyzyltý orta mektebіnde «Týǵan jerdіń talanttary» atty іs-shara uıymdastyryldy. Bul sharada oqýshylar osy aýyldan túlep ushqan qalamger Ábjapar Jylqyshıevtіń ómіrі men shyǵarmashylyǵy jaıly mol maǵlumat alyp, bıyl týylǵanyna 100 jyl tolǵaly otyrǵan týǵan ólkenіń tulǵaly perzentі jaıly shyǵarǵan ózderіnіń júrekjardy jyrlaryn oqyp berdі.

Asyl ÓKTÁNQYZY, muǵalіm.

Ábjapar aýyly, T.Rysqulov aýdany.