Қазақстандық төреші тұңғыш рет футболдан Еуропа чемпионатының финалына қызмет етеді

Отандық футбол тарихында алғаш рет қазақстандық төреші Еуропа чемпионатының финалдық ойынына төрелік жасайды.

Тарқата айтсақ, Тараз-дың лайнсмені Евгений Бельский Германия мен Португалия жастар құрамасы арасындағы ойынға қызмет ететін төрешілер бригадасының құрамына енді. Жастар арасындағы Еуропа чемпионатының финалы бүгін Будапешт қаласында Астана уақыты бойынша сағат 22:45-те өтеді. Ойынды Eurosport арнасы тікелей эфирде көрсететін болады. Матчтың бас судьясы - Хавьер Эстрада Фернандес (Испания). Қапталдағы төрешілер: Даррен Ингланд (Англия), Евгений Бельский (Қазақстан). Резервтік судья болып Инеа Джорджи (Албания) тағайындалды. Матч инспекторы славяндық Йосеф Марко.