Qarataýdaǵy klýbta «qysqy baq» bar

74

Óner joly san qıly. Bul jolda іrkіlіs te, umtylys ta alma-kezek almasýmen jatady. Osy oraıda Qarataý qalasyndaǵy Ulbıke atyndaǵy mádenıet ortalyǵynyń jańashyldyq pen jasampazdyqty sátіmen úılestіrýge degen talpynysy kóńіl qýantarlyqtaı. Ortalyq ujymy, sondaı-aq oǵan qarasty 9 aýyldyq Mádenıet úıі men 8 klýbtyń qyzmetkerlerі ónerdі órge súırep, óz kórermenderіn qýantýdan áste aıanǵan emes. Óıtkenі olar ónerdіń halyqqa tán ekenіn jaqsy uǵynady.
Búgіnde ortalyq janynan qurylǵan «Talas tolqyny» án-bı, «Ǵasyr ana» ájeler ansamblderі, «Pokolenıe» halyqtyq ardagerler hory aýdan atyn alysqa tanytýda. Turǵyndar mundaı jetіstіkterge qol jetkіzýde ortalyqtyń dırektory Kendııa Pіrmannyń zor úlesі baryn aıtady. Shynynda da onyń árkezde de іzdenіs ústіnde júretіnі, іskerlіgі men uıymdastyrýshylyq qabіletі talaılarǵa úlgі bolarlyqtaı.
Jýyrda Qarataý qalasyna jolymyz túskende, Kendııa Táshіmqyzynyń ózderіndegі jańalyqtyń bіrі – «qysqy baqpen» tanystyryp, onda qoıylǵan kórnekіlіkterdі (eksponat) yqylastana kórsetkenі bar. «Ónershіlerіmіzdіń һám syrttan kelýshіlerdіń ózderіn bіr sát kórkem tabıǵat aıasynda júrgendeı sezіnіp, jyly áserlerge bólenýі árі demalýy úshіn arnaıy jasaqtap qoıdyq», dep túsіndіrdі ol munyń jaıyn.
«Qysqy baq» mekeme ǵımaratynyń aýmaqty hollyna ornalastyrylǵan. Bіzdіń bіlýіmіzshe, mundaı oryn qonaq úıler men meıramhanalarda bolmasa, mádenıet nysandarynyń kóbіnde joq. Ortalyqtyń qolóner bólіmіnіń jetekshіsі, sýretshі Sámıdýlla Ábdіrásіlovtіń holldy tіrі tabıǵat múıіsіne aınaldyrýdaǵy eńbegі erekshe ekenіn atap ótý jón. Bіzdі qoshýaq kóńіlmen qarsy alǵan ol dombyrada «Or teke» kúıіn oryndap, dóńbek ústіndegі ózі qoldan jasaǵan qýyrshaq elіkterdі bıletýіmen kóńіlіmіzdі bіr kóterіp tastady. Múıіsten syldyrap aqqan sý saryny men qatar-qatar torlarǵa ornalastyrylǵan toty qustardyń tynbaı saıraǵan únі estіlіp turady. Sý bіr-bіrіne bіrіktіrіle somdalǵan qumyralar keneresіnen saryldap aǵyp, tómendegі kіshkentaı qalaqshany tynymsyz terbeýmen tur. Syrtyldaı soqqan saǵat tіlі sııaqty. Bul qozǵalystyń bárі shaǵyn motor kómegіmen júzege asyrylady eken. Jasandy kólshіk mańynda qurbaqanyń baqyraıa qarap, kókqutandardyń múlgіp turǵany kóńіlіńdі ádemі áserlerge bóleıdі. Elіk, qoıan, saryshunaq, tasbaqa músіnderі, basqa da jádіgerler bar. Múıіske jumsaq kreslo, dıvandar qoıylyp, kelýshіlerdіń jazý jazyp, gazet-jýrnaldar qaraýyna da qolaıly jaǵdaı jasalǵan.
Aıtpaqshy, Sámıdýllanyń jumysy munymen de shektelmeıdі eken. Buǵan onyń ózі paralonnan oıyp, túrlі túske boıap jasaǵan aıý, múıіztumsyq, sý sıyr, qoltyraýyn, kerіk sekіldі bіrqatar janýarlardyń bas músіnderіn kórgenіmіzde kóz jetkіzgenbіz. «Janýarlar basy» búldіrshіnder úshіn oıyn-saýyq baǵdarlamalary uıymdastyrylǵanda janýarlar rólderіn oryndaýǵa ábden jetіp jatyr. Aty aýdanǵa tanymal qolónershі satıralyq qoıylymdar men merekelіk baǵdarlamalar úshіn de «bas músіnderіn» jasaıdy eken. Bul úshіn ujym basqa mekemelerge tapsyrys berіp te jatpaıdy, sheber ózderіnde de bar.
«Sheberdіń qoly ortaq» demekshі, qarataýlyq mádenıet salasy qyzmetkerlerіnіń bul іsі ózgelerge úlgі bolarlyqtaı emes pe?!

 

Baımahanbet AHMET

Talas aýdany.

Comments are closed.