АСТАНА. ҚазАқпарат — Қазақстандық боксшы Ержан Залилов кәсіпқой рингтегі 11-ші жеңісіне қол жеткізді. Бұл туралы боксшы өзінің Инстаграм парақшасында бөлісті, деп хабарлайды ҚазАқпарат тілшісі.
25 жастағы қазақстандықтың қарсыласы — 38 жастағы ресейлік боксшы Александр Салтыков болатын. Жекпе-жек Ресей астанасы Мәскеуде өтті. Кездесу 8 раунд деп жоспарланған болатын. Алайда, төртінші раундтан кейін Салтыков айқасты жалғастырудан бас тартты. Осылайша, қазақстандық 11-ші мәрте жеңіске жетті. Оның бесеуі — мерзімінен бұрын жеткен жеңістер.
Одан бөлек, Залилов бокстағы мансабында бір рет жеңіліп, бір рет тең түскен болатын. Ал Салтыковтың қоржынында 12 жеңіс, 55 жеңіліс бар.
Comments are closed.