Фин солдаты 20 сағат ауыз бекітуде

Фин әскерінде борышын өтеп жүрген мұсылмандардың өз діни ғұрыптарын өтеуге құқықтары бар.

Сантахамина әскери бөлімінде қызмет етіп жүрген сомалилік Далха қасиетті рамазан айының оразасын ұстайды. «Рамазан – күллі мұсылмандардың мүбәрак айы. Сол себепті оразаны қаза жібере алмаймыз. Бұл Жаратушының әмірі және менің ерікті қалауым» дейді Далха бұл жайында. Ал, бас имам Далхаға әскери қызмет кезінде шектен тыс күш түскен жағдайда оразаны тоқтата тұруға болатынын ескерткен еді, алайда солдат тәулігіне 20 сағат нәр тартпастан шыдап келеді.