Шұңқырлардағы судың зияндығы жоқ

Облыстық «Ақ жол» газетінің 2014 жылғы 29 мамырдағы №82 санында жарық көрген кәсіпкер Тұрдыхан Сұлтанбековтің «Құлаққағыс» айдарымен берілген «Зиянды «көлдер» көбейіп кетті» атты мақала бойынша «Қазфосфат» ЖШС-ның «Қаратау» тау-кен өндірістік кәсіпорны қолданыстағы ҚР «Жер қойнауын пайдалану» Заңының талаптарына сай қазба жұмыстарын жүргізіп отыр. Аталған кәсіпорынның қазба жұмыстарын жүргізген жерлерде пайда болған жерасты сулары зертханада тексеріліп, қоршаған ортаға зияндығы жоқ екендігі анықталған.

Қанатбек Мәдібек, Сарысу ауданының әкімі.

РЕДАКЦИЯДАН: Экологиялық талап бойынша қазба жұмыстарынан кейін шұңқырлар орнын тегістеп, қалпына келтіру керек. Бұл – орындалуға тиіс міндетті іс. Ол шұңқырларға жиылған судан туындайтын қауіп-қатерді болдырмайды.