Қырғызстанның ауылшаруашылығы өнімдері еліміздің базарларына еш қиындықсыз жеткізіледі

Қырғызстанның ауылшаруашылығы өнімдері мемлекеттік шекарадан еш қиындықсыз және кідіріссіз өтіп, Қазақстан базарларына жеткізіледі.

Бұл туралы Қырғызстан кәсіпкері Жырғалбек Нұрманбетов айтты. Оның айтуынша, Шу облысындағы «Ақ-Тілек» кеден бекетінде ауылшаруашылығы және азық-түлік өнімдерін экспорттау үшін барлық жағдайлар жасалған. Фермерлер еш кедергісіз тауарларын Қазақстанның базарларына жеткізе алады. «Тез бүлінетін ауылшаруашылығы өнімдері үшін де қажетті жағдайлар жасалды. Олар үшін кезектен тыс жеке жол ашылған», - деп түсіндірді кәсіпкер.