Қазақстанның құрметті металлургі

Нұрсұлтан Назарбаевқа Қазақстан Республикасының Құрметті металлургі атағының №1 белгісі табыс етілді.

Астана күні мерекесі қарсаңында Қазақстан Республикасының Құрметті металлургі атағының №1 белгісі Нұрсұлтан Назарбаевқа табыс етілді. Бұл марапатты Елбасыға Республикалық тау-кен өндіруші және тау-кен металлургиялық кәсіпорындар қауымдастығының атқарушы директоры Николай Радостовец тапсырды. Қазақстан Республикасының Құрметті металлургі атағының №1 белгісі Нұрсұлтан Назарбаевқа елдің Үдемелі индустриялық-инновациялық даму мемлекеттік бағдарламасын іске асыру бойынша Үкіметтің есебімен танысуы барысында берілді.

«Ақ жол-Ақпарат».