Таразда көпқабатты үйдің шатыры ұшып кетті

Тараз қаласында көпқабатты тұрғын үйдің шатырын жел ұшырып түсірді.

«Таразда 24 сәуірде сағат 19.10-де қатты жел (жылдамдығы 25 м/с) салдарынан Сүлейменов көшесіндегі бес қабатты тұрғын үйдің 30 шаршы метр шатыры ұшып түсті (тұрғын үйдің жалпы ауданы 1 мың шаршы метр)», - делінген хабарламада. Құтқарушылардың айтуынша, оқыс оқиғадан ешкім зардап шекпеген.

Еске сала кетсек, 24-25 сәуір күндері жел жылдамдығы күшейеді деп болжанғандықтан Жамбыл облысының аумағында ескерту жарияланды.

Дереккөз: inform.kz