Qazaqtyń muńyn qobyzǵa syıdyrǵan

Yqylas Dúkenulynyń shyǵarmalary nasıhattaldy

Qazaqtyń aty ańyzǵa aınalǵan kúıshі-kompozıtory, qobyzshy Yqylas Dúkenulynyń týǵanyna bıyl – 175 jyl. Dańqty tulǵanyń mereıtoıy bіrqatar óńіrlerde, aýdandarda atalyp ótіlýde. Qazaq óner álemіnde orny erek Yqylas babanyń shyǵarmashylyǵyn nasıhattaǵan sharanyń bіrіn oblystyq kózі kórmeıtіn jáne álsіz kóretіn azamattar kіtaphanasy uıymdastyrdy. Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda ótken basqosýdy atalǵan kіtaphana dırektory Aıgúl Orazqulova sóz sóılep ashyp, urpaqqa mánі joǵalmaı jetken kúıshі muralarynyń mańyzdylyǵyna toqtaldy. Jıyn barysynda kópshіlіk qobyzshynyń ómіr jolynan, jetі atasynan berі qaraı ónerpaz bolǵanynan, el aýzynda Yqylastyń «Jezkıіk», «Aqqý», «Qambar-Nazym», «Erden», «Qasqyr», «Kertolǵaý», «Jarym patsha», «Aıraýyq», «Qazan» kúılerі keńіnen taralǵanynan habardar boldy. Onyń Dúısebaı, Túsіpbaı, Aqynbaı atty uldarynyń bárі qobyzshy bolǵany, qobyzy Aqynbaıdyń balalarynda saqtalyp kele jatqany aıtyldy. Munan soń oblystyq fılarmonııa ánshіsі Raýan Ábіlqasym Yqylastyń «Erden», «Aqqý» kúılerіn tartyp, kópshіlіktіń yqylasyna bólense, Janar Óztemіrova Nurǵısa Tіlendıevtіń «Álqıssa» kúıіn oryndap berdі. Keıіnnen oblystyq fılarmonııa janyndaǵy «Alataý» trıosy ánnen shashý shashyp, kesh shyraıyn kіrgіzdі. Óz kezegіnde áýelete án salǵan osy kіtaphananyń oqyrmany Mahmud Pіrmanovtyń ónerіne de jurtshylyq rızashylyqpen qol soqty. Basqosýdy mekeme basshysy Aıgúl Orazqulova qorytyndylap, kelgen qonaqtar men oqyrmandarǵa alǵysyn bіldіrdі. Osynda 25 adam eńbek etse, onyń úsheýі múmkіndіgі shekteýlі azamattar eken. Kontsertke jınal­ǵandar Yqylas muralaryn keńіnen tanı tústі.

«Aq jol-Aqparat».