Жуалы

Жамбыл облысының 75 жылдығына орай, облыс әкімдігі жастар саясаты мәселелері басқармасының ұйымдастыруымен мәдени автокеруен жолға шығып, алғашқы сапарын Жуалы жерінен бастады. Онда өңірге белгілі жас ақындар аудан жастарымен кездесіп, өлеңдерін оқыды. Оқырман қауымның сұрақтарына жауап беріп, шығармашылық тұрғысында ой-пікір алмасты. Автокеруен аясында жуалылық жастар әншілер мен бишілердің де өнерін тамашалады.