Жуалы

Аудандағы Қарасаз ауылының аумағы мал шаруашылығын дамытуға аса қолайлы. Шөбі шүйгін, топырағы құнарлы аумақта үстіміздегі жылдың наурыз айында «Қарасаз-2017» ауыл шаруашылығы өндірістік кооперативі құрылған болатын. Оған 37 жеке тұлға бірігіп отыр. Олар мемлекеттен 126 миллион теңге көлемінде несие алып, бұл істің игілігін де көре бастады. Сүт өндіру бағытында құрылған шаруашылықта бүгінгі таңда 440 бас ірі қара малы өсірілуде.