Қордай
Қордай
Ортағасырлық қала орнындағы қазба жұмыстары
Аудан орталығының солтүстік-шығыс бөлігінен 1937 жылы анықталған көне қалада кезекті археологиялық қазба жұмыстары жүргізілді. Георгиевск (Қордай) деген шартты атаумен ғылыми айналымға енген ортағасырлық қалашық орнындағы төбешіктер астынан тарих ғылымының докторы, белгілі археолог Мадияр Елеуов бастаған «Археолог» халықаралық ғылыми-зерттеу орталығының мамандары бірқатар құнды дүниелерді аршып алды. Оның ішінде қыш құмыра, шырағдан, керамика ыдыстардың сынықтары, жүзден аса қой асығы, тіпті, астық сақтайтын ұра, керамика күйдіретін және тандыр пеш те бар.