«Абай жолы» романын смартфон арқылы онлайн режимде тыңдауға болады

«Абай жолы» роман-эпопеясын ендi смартфон арқылы онлайн режимде тыңдауға болады. Бұл туралы Мемлекеттiк тiлдi дамыту қорының директоры Азат Шауеев Орталық коммуникациялар қызметiнде өткен брифингте айтты.

Бүгiнгi жиын барысында қор «Soyle.kz» порталының IOS платформасындағы мобильдi қосымшасы мен патриоттық тақырыптарға арналған басқа да қосымшалардың тұсаукесерiн өткiзген болатын.

Азат Шауеевтiң айтуынша, қазiр көпшiлiк мобильдi қосымшаларға смартфон арқылы кiредi. Сондықтан ыңғайлы болсын деп «Аbaialemi.kz» энциклопедиясында «Абай жолы» романын оқымай-ақ, онлайн режимде тыңдауға болатындай жүйе жасалған. Осылайша, мобильдi қосымшаны қосып қойып, «Абай жолы» романын кез келген жерде тыңдауға болады.