Үндістан орбитаға бір уақытта 104 жер серігін ұшырды

Үндістанның ғарыштық зерттеу ұйымы (ISRO) 15 ақпан күні PSLV-C37 зымыранымен орбитаға бірден 104 жер серігін ұшырып, әлемдік рекорд жасады.

Үндістанның премьер-министрі Нарендра Моди бұл жағдайды Үндістанның ғарыштық зерттеу ұйымының (ISRO) ерлігі деп бағалады. «Бұл мақтануға тұрарлық дүние. Үндістан өзінің ғалымдарын қолдайды», деп жазды ол өзінің Туиттердегі парақшасында.

Бір айта кетерлігі, жіберілген 104 жер серігінің 103-і нано жер серігі және олардың салмағы 1-10 килограмды қамтиды. Ал оның ішіндегі 88 жер серігі америкалық компанияға тиесілі.