Нидерландыда ұшатын машиналар сатыла бастады

Голландиялық PAL-V фирмасы әлемдегі тұңғыш ұшатын көліктерге тапсырыс қабылдай бастады. Ағылшын тілінен аударғанда «Еркіндік» (Liberty) деп аталатын жаңа туынды тікұшақ пен автомобильдің қосындысы іспетті және ол «кептелістерден құтқарады» деген мақсатпен шығарылуда. Ұшатын алғашқы көліктер сатылымға 2018 жылы түседі, бағасы - 600 мың доллар, деп жазады Росбалт. Үш дөңгелекті көліктің жоғары жағында пропеллері, ал артында қалақшалары бар. Liberty жер үстінде кәдімгі көлік сынды жұмыс істейді, бірақ қажет жағдайда көкке ұша алады. Оның әуеге көтерілуіне кем дегенде 180 метр жазық жер қажет.