Қазақ елі Орта Азиядағы ең маңызды әріптесіміз саналады – Чеxия Парламентінің төрағасы

Қазақстан Чехияның Орта Азиядағы ең маңызды әріптесі саналады. Бұл туралы Астана қаласында қос ел компанияларының қатысуымен өтіп жатқан бизнес-форум барысында Чеxия Парламенті депутаттары палатасының төрағасы Ян Гамачек айтты.

Форумда екі ел арасындағы сауда-экономикалық қатынастарды арттыру және мемлекеттер арасындағы тауар айналымы механизмін дамытудың келешегі талқыланды.

Бүгінде Чехия – отандық шикізатты тұтынатын негізгі мемлекеттердің бірі. Яғни еліміз Чехияға мұнай-газ және химия өнеркәсібі саласына қажетті өнімдер, сары фосфор, металл экспорттап келеді.