Антарктида сапары сәтті аяқталды

Оқырман есінде болса, дәл 1 желтоқсан күні Алматы әуе­жайынан  арнайы экспедиция Антарктидаға аттанып кеткен-ді. Араға 42 күн салып «Тәуелсіздік Полюсі» экспедициясы аман-есен Алматы әуе­жайы­на сәрсенбі күні таң алдында ұшып келді.   

Оңтүстік қиырдан өз­де­рі­не аманатталған тап­сыр­ма­­ларды абырой­мен орындап оралған экспедиция мү­­­ше­лерін әдет­те­гідей БАҚ­­ өкілдері мен  экс­пе­ди­ция­­ мүшелерінің ең жа­­қын­­ адамдары қарсы ал­ды. Отандастарымызды та­­ға­т­­сыздана күткендер ар­а­­­сын­­да Қазақстан хал­қы Ассам­­­­­­­блеясы мен Қазақстан­ Ұлт­тық география қо­­ға­­­мы»­ республикалық қо­­ғам­­­дық бір­лестігінің (Qazaq­Geo­graphy) өкілдері бол­ды.

Әуежайға келгендер ко­ман­да көшбасшысы, бел­гі­лі альпинист Мағжан Сағым­баевты, танымал спортшылар Ілияс Ғалымбеков, Юрий Юшин  мен Дәулет Шәріповті қуана құттықтады. Көзі қа­рақ­ты оқырман әу баста экс­­педицияның құрамында 7 адам бар болғанын білсе ке­рек. Антарктиданы бетке ал­ған қазақстандықтардың бір бөлігі 23 желтоқсанда өз мін­деттерін орындап, қайтып келген болатын.

Экспедиция құрамындағы алғашқы топтың мүшесі Арман Баймұхамедов өзде­рі­не жүктелген тапсырмалар­ды тия­нақты түрде жүзеге асы­р­ғанын айтты.

– Біздің топ Алматыға 23 желтоқсанда келіп қон­­­ды. Бұл экспедиция не­гі­зі­­нен ғылыми-зерт­теу жұ­мыс­­та­рымен айна­лыс­қан­ын бі­ле­сіздер. Ал біз­ден кейін са­пар­лары жал­ғасқан, кеше 11 қаң­­тарда ғана Қазақстанға қай­тып оралған топ­қа 16 жел­тоқ­санда ел Тәу­ел­­сіз­дігі той­­ланып жат­қан кезде Мем­­­лекеттік туы­мыз бен Қазақ­­стан халқы Ассам­­б­лея­­­­сының байрағын Ан­тар­­к­ти­даның ең құзар шы­ңы – Вин­сон биіктігіне қадау жүк­­­телген болатын. Ал мен С.Асфендияров атындағы Қа­зақ ұлттық меди­ци­налық уни­верситеті атынан Қазақ­­стан Ұлттық геогра­фия қо­ға­мының мүшесі ретін­де жол­­ға шықтым. Бұл сапар­ға үл­­кен іріктеу жүрген. Жас ға­лым­дар өздерінің зерт­теп жүр­ген ғылыми жо­ба­л­а­ры арқылы ҚазГео ұйым­­дас­­тырған байқауға қа­тыс­ты. Таңдау біздерге түс­ті. Біз­­дер Антарктида құр­лы­ғын­­­д­а микробиолог Әлия Ер­на­заровамен бірге алдын-ала ма­құлданған ғы­лыми жоба­лар бойынша зерттеулер жүр­гіздік. Экс­тремалдық жағ­­дайда атмосфераның адам ағ­­за­­­сына әсеріне қатысты сы­нақ­­­тар жасалды. Бұл сапар өзін өзі толығымен ақтады деп ойлаймын. Қазір өзіміз жи­­наған мәліметтер бойын­ша бірінші есеп бердік. Ақ­пан айының соңына қарай, ат­қарылған ғылыми жобалар бойынша тек ҚазГео-ға то­­лықтай есеп береміз. Сол сияқ­­ты суға қатысты да қы­зық­­ты мәліметтер жиналды. Бұл жоспарда қаралмаған жо­­ба болатын. Мүмкіндігіне қа­­рай мұны да зерттеулерге қо­­су қарастырылуда, – деді эпи­­­­демиолог дәрігер Арман Баймұхамедов.

Сол сияқты экспедиция мү­­шелерінің әрқайсысының өзін­дік ғылыми жұмыстары бар болғанын айта кетелік. Яғ­ни, экспедиция аясында экология, биология және адам физиологиясы бойынша да зерттеулер жүргізілген. Әри­не, айдан астам уақытта адам аяғы тие бермейтін Ан­тар­­­ктида мате­ригінде Қаз­Гео командасы түр­­­лі қиын­­шы­­­­лықтарға төтеп бер­ге­нін мақ­­танышпен атап өт­кен жөн. Әбден шыныққан, ұзақ та қауіпті сапарға ма­шық­тан­ған спортшыларымыз бен жас зерттеушілеріміз осы­ның бәрін еңсерді.

Осылайша Қазақстаннан бас­тау алған «Тәуелсіздік По­люсі» экспедициясы Еуропа мен Оңтүстік Африканы басып өтіп, Чилидің Пунта-Аренас қаласына аялдап, өз­де­ріне бе­рілг­ен тапсырма­лар­ды түгел орындап, ту­ған елге оралды.

ақпарат көзі: egemen.kz