Батыс Қазақстандық самбошы халықаралық турнирде топ жарды

Батысқазақстандық Нұрымжан Ғаббасов Атырау қаласында спорттық және әскери самбодан өткен Қошқарбай Табынбаевты еске алуға арналған халықаралық турнирде топ жарды, деп хабарлайды ҚазАқпарат. Самбошының ағасы Темірланның айтуынша, Сырым ауданы Жымпиты ауылында туып-өскен Нұрымжан 90 кг салмақта чемпион атанды. «Нұрымжан қазір жиырма жаста, Оралдағы М.Өтемісов атындағы Батыс Қазақстан мемлекеттік университеті дене шынықтыру және спорт факультетінің ІV курс студенті. Биыл самбодан жастар арасында Азия чемпионатының қола жүлдегері атанды. Оның алғашқы бапкері Ержан Шүкіров болса, қазір Бірлес Есенғалиев жаттықтыруда. Күні бүгін Нұрымжан Талдықорған қаласына тағы бір жарысқа кетіп бара жатыр», деді ҚазАқпарат тілшісіне Темірлан Ғаббасов.

ақпарат көзі: kazinform.kz